今日響Etsy，香港人已經出醜了！(請容許我響自己既Blog發表一下!
)
我喜歡Etsy既地方係因為Etsy有Ｄ似我地去日本，倫敦等會去既市集。
有好多不同既手作人會做一Ｄ佢地自己親手做既作品去賣。
有Ｄ係上左年紀既，有Ｄ係幾個孩子既母親。
多數都係有住一份熱誠，愛手作又想同人分享下自己既作品既一班人。
我好喜歡Etsy既氣氛。
可惜有Ｄ香港人唔知從咩途徑知道左Etsy。響Etsy開左幾間shop。
（唉！希望唔係我既Blog啦！我個Blog好似不嬲都唔太高收視！）
雖然響言語之間佢地都會描述貨品係自己設計，用"手"做！點呀點呀！
但係出黎比人既感覺又唔似係。
（如果真係自己設計都要得罪講句！因為都唔係我一個人覺得！）
相片會似Yahoo拍賣上面果Ｄshop既相。一大批咁Upload上去。
Shop Banner 又醜樣！(重要大大隻字寫住Hong Kong Design!)
睇左之後真係唔敢再認係香港人啦！
總之就同Etsy既感覺係格格不入。
而呢Ｄ shop既手法都好差！會自己買番幾件貨扮下野先咁。
點解會覺得係扮野？因為Ｄ feedback全部click曬positive之後就係空白！亳無誠意！通常feedback唔會係咁！就算Yahoo拍賣都唔會啦！
佢地一定唔知有好多人響Etsy等幾個月都係等緊自己既First Sale...
就係因為咁，連外國人都忍唔住破壞規矩都要響forum度post呢Ｄshop既link出黎！
身為香港人既我睇倒都真係感到萬分羞恥同傷心。
如果咁不幸呢Ｄ人真係睇倒我既Blog。
我會懇請你地自動摺埋(如果真係designer做既！認真要大大改善)尊重自己尊重香港人尊重香港設計。
其實網上賣野既地方有好多。有Ｄ Listing 重要唔洗$ !
咁又可苦要破壞Etsy呢！簡直係會引起公憤呀！
好彩Etsy唔係某Ｄ國家！如果唔係肯定連我間shop仔都會比人燒埋！
please join for the update news
